کانگریس کے وزرائے اعلی کے اجلاس کا اختتام ‘راہول گاندھی کے اہم مشورے

حیدرآباد۔27۔دسمبر (اعتماد نیوز)کانگریس کے نائب صدر راہول گاندھی نے آج ملک کے مختلف ریاستوں کے کانگریس کے وزرائے اعلی کے ساتھ وار روم میں اجلاس منعقد کیا۔ جس میں راہول گاندھی نے 2014کے انتخابات کے پیش نظر کئی اہم امور پر بات چیت کی گئی۔ اس موقع پر راہول گاندھی نے کانگریس کے وزرائے اعلی کو یو پی اے کے دور حکومت میں نافذ کردہ اسکیمات کو عوام سامنے پیش کرتے ہوئے انتخابات کی تیاری سے متعلق کئی اہم مشورے دئے۔ صبح 11بجے سے دو پہر3:30 تک منعقدہ اس اجلاس میں راہول گاندھی



نے یو پی اے ۔2 کے دور حکومت میں آغاز کردہ اسکیمات جیسے غذائی تحفظ اسکیم ‘لوک پال بل اراضیاتی قانون ‘اور دیگر اسکیمات کو عوام کے سامنے کیسے پیش کیا جائے اس سے متعلق تفصیلی بیان دیا۔ اسکے علاوہ راہول گاندھی نے یو پی اے کے دور حکومت میں عوام کے درمیان پائے جانے والے ناراضگی کے اصل اسباب جیسے مہنگائی ‘اور بد عنوانی جیسے مسائل کا مقابلہ کیسے کیا جائے اسکے متعلق بھی وزرائے اعلی سے تفصیلی بات چیت کی ۔ اس موقع پر راہول گاندھی نے 2014کے انتخابات کے پیش نظر اپنے وزرائے اعلی سے مشورے طلب کیا۔